Táan u líik’sa’al u ye’esajil ‘Cien años de Vlady’: revolución y disidencia ti’al u k’iimbesa’al u kuxtal jboon

MERRY MACMASTERS / LA JORNADA MAYA

Le lunes ku taala’ yaan u k’iimbesa’al 100 ja’abo’ob úuchik u síijil Vladimir Kibálchich Rusakov, máax k’ajóolta’ab yéetel u pat k’aaba’il Vlady. Juntúul ajboon yéetel muralista síij tu noj lu’umil Rusia ba’ale’ ti’ kajlaj tu lu’umil México, lik’ul u ja’abil 1941.

Ti’al túun u kíimbesa’ale’, táan u líik’sa’al jump’éel e’esajil u k’aaba’ Cien años de Vlady: revolución y disidencia. Táan u tukulta’al u je’ebel ti’al u cha’antal tu k’iinil 2 ti’ diciembre, wa tumen ka cha’abak tumen pandemia, ti’ u kúuchil Antiguo Colegio de San Ildefonso, beey tu ts’áaj k’ajóoltbil Claudio Albertani, máax p’ata’an tu táan Centro Vlady, ku meyaj tu Universidad Autónoma de la Ciudad de México (UACM).

Te’e e’esajilo’ tukulta’an u ts’a’abal kex 320 u p’éel meyajo’ob, ts’o’okole’ ti’ le je’elo’obo’, maanal ti’ 250 u p’éel boono’obe’ ti’ u taalo’ob ti’ u kúuchil Centro Vlady. E’esajile’ yaan u jóok’sa’al kanjaats ti’, ts’o’okole’ ti’ kun jatsbil ti’ ukp’éel saalas ti’ u planta bajail Antiguo Colegio de San Ildefonso.

https://www.lajornadamaya.mx/2020-06-16/Taan-u-liik—sa—al-u-ye—esajil–Cien-anos-de-Vlady—revolucion-y-disidencia-ti—al-u-k—iimbesa—al-u-kuxtal-jboon

Deja un comentario

Tu dirección de correo electrónico no será publicada. Los campos necesarios están marcados *

This site uses Akismet to reduce spam. Learn how your comment data is processed.